Tommaso Campanella, De sensu rerum, p. 83
est signum mortalitatis, hic intellectus practicus mortalis
erit, qui
substantia eadem est cum speculativo, igitur et ille mortalis
erit. Et Deus qui
omnes singularitates individuorum novit prorsus,
ut docet D. Thomas p.sent. suspectus erit mortalitatis secundum
haec Aristotelica argumenta; Unde et
putat Deum nostra ignorare,
ne vilescat; quo nulla opinio stulta magis magisque
impia invenitur.
Caput XXIII.
Esse in
brutis sensum, memoriam, disciplinam, discursum et
intellectum universalis, sed
non divinorum sicut in
homine: qui praestat eis etiam in omnibus
actibus et
quare.
~ Omnibus animalibus sensum inesse nemo dubitat. Multis
memoriam
nemo negat. Ipsa enim discunt, equi saltationes,
simiae ludos, Apes reverti domum,
etc. Quoniam vero
his anima alia non inest, nisi sensitiva, oportet
memoriam
animae sentienti tribuere; reminiscentia non minus pollent. Nam
cum
quid passi fuerint asini, locum illum vitant, et consimiles illis abhorrent:
Ergo ex
simili simile in eis excitatur; ergo discursu non carent.
Idem enim est nosse in
anticipato simulachro rei praeteritae praesentem,
et ex praesenti consimilem. Palam
comedens hordeum semel
equus ex eo omnia hordea cognoscit: et ex odore canes
argumentantur
quae sit res odorifera, et ex motu sylvae latentem
syllogizant
bestiam, et saepe arguto syllogismo leporem insectantes, viam
prolixiorem
declinant, et breviorem captant, et in transitu expectant.
Accipitres
idem observant. Cancer conchilia venando saepe pedibus
laeditur, dum
conchae illorum clauduntur; quod ne faciant ipse calculum
iniicit, ac tuto devorat.
Polypus astute lapidibus affigitur sui coloris,
ut lapis videatur pisciculis quibus
vescitur. Sepia evomit atramentum,
quo sibi parat latibulum, quando ab inimico,
pisce, vel piscatore
invaditur; et visus est canis ab altero cane impetitus, alios
convenisse
canes, et ad locum ubi carnes multas ipse celaverat, conduxisse,
et
cibo conciliasse, moxque eis tanquam conductis usum militibus,
inimicum canem
invasisse, et occidisse. Equus quidam ita venerabitur
matrem, teste Aristotele , ut nunquam ipsam subagitare voluerit, donec
ab
Armentario deceptus, qui panno matrem texerat, coivit tandem;